Ինչպե՞ս է իրականացվելու արձանագրությունը և ընտրությունը
Աշխարհի Հայերի Միավորում ՄՇԱԿՈՂ Խորհուրդ՝ ժամանակավոր հաստատությունը ստեղծված է Ձեզանից յուրաքանչյուրի անխտիր ընտրության միջոցով հիմնելու Ազգային բարձրագույն մարմին, մի Կառույց, որը Ձեր անմիջական մասնակցությամբ Սփյուռքին տալու է ինքնություն:
- Յուրաքանչյուր հայ, արձանագրվելով «Աշխարհի Հայերի Միավորմանը», իր անմիջական ուղիղ մասնակցությունն է ունենալու ղեկավար Ազգային բարձրագույն մարմնի ընտրության. ղեկավարման և ՄԱՍՆԱԿՑՈՒԹՅԱՆ գործում:
- Այսպես, ամեն ինչ սկսվելու է արձանագրությամբ, որն անժամկետ է :
- Կարևոր հանգամանքներից մեկը հենց յուրաքանչյուր հայի, հայ ընտանիքի մասնակցությունն է , քանի որ մասնակիցների քանակից է կախված լինելու պատգամավորների և ղեկավար մարմնի քանակը:
- Եթե Դուք հանդիսանում եք որևէ կազմակերպության, միության կամ եկեղեցու անդամ, ապա արձանագրվելու ժամանակ, ըստ Ձեր կամքի և հայեցողությանը, կարող եք նշել այդ կազմակերպության, միության կամ եկեղեցու անդամ լինելը։ Նշելով Ձեր կազմակերպութունը/միությունը կամ եկեղեցին, անուղակիորեն ստեղծում եք մեծ հավանականություն այդ հաստատության ներկայացուցչի թեկնածությունը տեսնելու պատգամավորների, և հետագայում նաև բարձրագույն մարմնում ընտրվածների կազմում։ Օրինակ, եթե Դուք որևէ կազմակերպության անդամ եք, և ուզում եք դա նշել «Աշխարհի Հայերի Միավորմանը» արձանագրվելոււ ժամանակ, ապա հետագայում՝ պատգամավորներ ընտրելու ժամանակ, երբ օնլայն մտնեք Ձեր էջը, կտեսնեք հենց այդ Ձեր կազմակերպության կողմից ներկայացված թեկնածուների ցուցակը, որից և պետք է ընտրեք պատգամավոր։ Ընտրություններից առաջ այդ թեկնածուների ցուցակը «Աշխարհի Հայերի Միավորմանը» տրամադրելու է կազմակերպությունը, միությունը կամ եկեղեցին։
- Եթե Դուք ցանկություն ունեք արձանագրվել «Աշխարհի Հայերի Միավորմանը» անկախ, չեզոք՝ առանց նշելու որևէ կազմակերպություն, միություն կամ եկեղեցի, ապա դա կարող եք անել նշելով համապատասխան կոճակը՝ օնլայն անդամագրության էջում կամ թղթային ֆորմում։
- Այնուհետև, քվեարկության ժամանակ, անկախ չեզոք անդամագրվածը ներկայացնելու է իր նախընտրած թեկնածուին՝ նշելով այն «Քվեարկություն» էջում։ Այսպիսով, ներկայացնելով այդ թեկնածուին, անկախ անդամագրվածը ավտոմատ կերպով քվեարկում է հենց այդ թեկնածուի օգտին։ Ձայների հաշվարկման ժամանակ, այն անկախ թեկնածուն, որին ներկայացրել են անկախ անդամները, ընտրվում է պատգամավոր՝ ձայների մեծամասնությամբ։
- Արձանագրվելուց հետո, Դուք ստանում եք մասնակցության Ձեր սերտիֆիկատը՝ ստանալով Աշխարհի Հայ Քաղաքացու, Գլոբալ Հայի կոչում։
- «Աշխարհի Հայերի Միավորումը» գործադրելու է բոլոր հնարավոր միջոցները՝ արձանագրված հայերին տեղեկացնելու ընտրությունների օրվա և ժամանակի մասին։ Ընտրությունները տեղի են ունենալու երկու տարին մեկ անգամ, սակայն այս նախնական ժամկետը կաղող է փոփոխվել քննարկումների և ալյ որոշումների հիման վրա։
- Աշխարհի տարբեր երկրներից շուրջ 10,000 մասնակից «Աշխարհի Հայերի Միավորման» մեջ արձանագրվելուց հետո կազմակերպվելու է օնլայն ընտրությունը։ Այսպես, առաջին հերթին արձանագրվածները քվեարկելու են պատգամավորների համար, ինչպես նշվեց 4-6 կետերում: Պատգամավորների թեկնածուների ցուցակները տեղադրվելու են “Ընտրություն” էջում։
- Մեծամասնության ձայնով ընտրված Սփյուռքի ազգային պատվիրակների ֆորումի ներկայացուցիչների թիվը կարող է տարբեր լինել, օրինակ 350 կամ ավելի՝ դա հարաբերական թիվ է, կախված արձանագրված մարդկանց քանակից։
- Պատգամավորները իրենց միջից պետք է ընտրեն Սփյուռքի Ազգային Խորհուրդի ներկայացուցիչներին՝ 25 կամ ավելի ներկայացուցիչ: Վերջիններս իրենց հերթին իրենց միջից ընտրում են Գործադիր Խորհուրդ։
Ազգային Բարձրագույն Մարմնի ստեղծումից անմիջապես հետո այս հաստատությունը կդադարեցնի իր գործունեությունը, քանի որ այն չունի իշխանություն ունենալու և իր հետագա գոյությունը պահելու իրավասություն, այլ ունի միայն աշխատանքների կազմակերպման և իրականացման նպատակ: